2016 წლის 9-11 ნოემბერს ქ.ბარსელონაში (ესპანეთი) ჩატარდა კონფერენცია -”გამოყენებითი ნანოტექნოლოგიები და ნანომეცნიერებები / Applied Nanotechnology and NanoSciences International Conference”. საერთაშორისო კონფერენციაში მონაწილეობას იღებდა სსიპ ფერდინანდ თავაძის მეტალურგიისა და მასალათმცოდნეობის ინსტიტუტის #5 “თმს ლაბორატორიის” უფროსი მეცნიერ თანამშრომელი მიხეილ ჩიხრაძე.

აღნიშნულ კონფერენციაზე მან წარმოადგინა სასტენდო მოხსენება: “Ti-Al-B-C სისტემის ფხვნილებიდან ნანოკომპოზიტების სინთეზი დარტყმითი ტალღებით ადიაბატური კომპაქტირებით”. მოხსენება მოიცავდა შოთა რუსთაველის ეროვნული სამეცნიერო ფონდის მიერ დაფინანსებული ახალგაზრდა მეცნიერთა გრანტის (#YS15_2.2.10_84) შუალედურ შედეგებს.

კონფერენციაში მონაწილეობდნენ ნანოტექნოლოგიების და ნანომასალების მიმართულებით მომუშავე 220-მდე მეცნიერი 210 ქვეყნიდან. კონფერენციის თემატიკა იყო საკმაოდ მრავალეროვანი და მოიცავდა ნანომასალებთან და ნანოტექნოლოგიებთან დაკავშირებულ ისეთ სფეროებს, როგორიცაა: მასალათმცოდნეობა, ენერგეტიკა და გარემოს დაცვა, მედიცინა და ბიოლოგია, ასევე ნანომასალების როლი ქიმიურ წარმოებაში, ოპტიკაში და სხვა.

კონფერენციის შესახებ ინფორმაცია წარმოდგენილია კონფერენციის ვებ გვერდზე (http://premc.org/annic2016/).