ა.წ. 24 აპრილს ფერდინანდ თავაძის მეტალურგიისა და მასალათმცოდნეობის ინსტიტუტის დირექტორი, აკადემიკოსი გიორგი თავაძე, სამეცნიერო პროექტებისა და ტექნოლოგიების კომერციალიზაციის ცენტრის მენეჯერი არჩილ გაჩეჩილაძე, სამეცნიერო საბჭოს თავმჯდომარე, ქიმიის მეცნიერებათა დოქტორი ჯუმბერ ხანთაძე, ისტორიის მეცნიერებათა დოქტორი გივი ინანიშვილი, ინსტიტუტის ახლადშექმნილი ახალგაზრდული სამეცნიერო საბჭოს წევრები საპასუხო ვიზიტით ეწვივნენ წალკის რ-ნ სოფელ სამების საშუალო სკოლას. ჩასულმა მეცნიერებმა დაინტერესებულ აუდიტორიას წაუკითხეს ლექციები (ჯ. ხანთაძე - „მასალათმცოდნეობა ტექნიკური პროგრესის განვითარებაში“, გ.ინანიშვილი - „გვიან შუა საუკუნეების საქართველოს იარაღ-საჭურველი“, ლ. ანთაშვილი - „მეცნიერება და პიროვნების თავისუფლება“). საქმიანი ნაწილის დასასრულ გაიმართა კონცერტი სკოლის მოსწავლეთა მონაწილეობით.