სსიპ - ფერდინანდ თავაძის მეტალურგიისა და მასალათმცოდნეობის ინსტიტუტი
LEPL - FERDINAND TAVADZE METALLURGY AND MATERIALS SCIENCE INSTITUTE
ჯავშანჩაფხუტებისა და ჯავშანჟილეტების პრეზენტაცია

დღეს სპეციალური ოპერაციების ძალების ბაზაზე ქართული წარმოების ჯავშანჩაფხუტებისა და ჯავშანჟილეტების პრეზენტაცია გაიმართა.

ჯარისკაცის ინდივიდუალური დაცვის საშუალებების გამოცდა-ტესტირებას საქართველოს თავდაცვის მინისტრი ირაკლი ალასანია და გენერალური შტაბის უფროსი, გერენარლ-მაიორი ვახტანგ კაპანაძე დაესწრნენ.

 

თავდაცვის მინისტრის განცხადებით: „ჩვენთვის მთავარია ჩვენი ჯარისკაცების, ჩვენი ოფიცრების, იმ ჩვენი ვაჟკაცი ბიჭების და ქალბატონების დაცვა, რომლებიც მიდიან ცხელ წერტილებში, საერთაშორისო ოპერაცებში. ჩვენთვის თავიდანვე პრიორიტეტად იყო  გამოცხადებული პირადი დაცვის საშუალებები.  ასე რომ, ორმაგად სასიხარულოა, რომ დღეს  „დელტამ“, მისმა სამეცნიერო ჯგუფმა და ხელმძღვანელობამ შეძლო ამ შეკვეთის წარმატებით განხორციელება. ჩვენ ბუნებრივია, ამაში ჩავდეთ გარკვეული სახელმწიფო ინვესტიცია  და ჩემთვის ორმაგად სასიხარულოა, რომ დღეს ამ წარმოებულ პროდუქტს აწერია - წარმოებულია საქართველოში. პროდუქტმა გამოცდა გაიარა. ჩვენ რა თქმა უნდა შესწავლილი გვაქვს ბაზარიც. როგორც თავდაცვის სამინისტრო, სხვა უწყებებიც, მათ შორის შინაგან საქმეთ სამინისტროც, ალბათ დაინტერესდება ამ პროდუქციით.  მაგრამ, ასევე ჩვენ გვაქვს პრეტენზია და ამბიცია იმის, რომ ამ პროდუქტმა გაიმარჯვოს და დაიპყროს სხვა ბაზრებიც. ანალოგიები სხვა დასავლური ქვეყნების მიერ წარმოებული ჯავშანჩაფხუტების და ჯავშანჟილეტების არის ბევრად უფრო მძიმე, ჩვენი კი ბევრად უფრო მსუბუქია. რა თქმა უნდა, ხარისხიც არის ძალიან მაღალი. გილოცავთ, რომ ასეთი წარმატებული გამოცდა გაიარა ამ პროდუქციამ და დასაქმებულნი არიან ქართველი სპეციალისტები. ეს კიდევ ერთი ნაბიჯია ჩვენი ნატოს სტანდარტებთან დაახლოებისა და ჩვენი ეროვნული თავდაცვის ინდუსტრიის განვითარებისკენ.“

ახალი ქართული პროდუქციის პრეზენტაციაზე დღეს საქართველოს პარლამენტის თავდაცვისა და უშიშროების კომიტეტის თამვჯდომარე ირაკლი სესიაშვილი და საქართველოში აკრედიტებული უცხო ქვეყნის სამხედრო ატაშეებიც იმყოფებოდნენ.

 

პრეზენტაციის დასრულების შემდეგ სპეციალურ სასროლეთზე საქართველოში წარმოებული სამხედრო აღჭურვილობის გამოცდა-ტესტირება გაიმართა.

სამხედრო ინსტრუქტორებმა სხვადასხვა ტიპის ცეცხლსასროლი იარაღებიდან სროლის შემდეგ ჯავშანჩაფხუტისა და ჯავშანჟილეტის დაზიანების ხარისხი შეამოწმეს.  

„დელტაში“  სხვადასხვა დანიშნულების  - საერთო-საჯარისო, სპეციალური დანიშნულების, საპოლიციო და ქალი-სამხედრო მოსამსახურეებისთვის ჯავშანჟილეტების დამზადება მიმდინარეობს.

 

ჯავშანჩაფხუტის წონა  1200-1500 გრამს შეადგენს. ჩაფხუტის შიდა აღჭურვილობა სრულად შეესაბამება ნატოს სტანდარტებს. ადვილია მისი თავზე მორგება-რეგულირება. ასევე, უზრუნველყოფს დარტყმის ძალის შთანთქმას და ამორტიზირებას. ჯავშანჟილეტის წონა  3200 გრამს შეადგენს. დაცვის ფართი 42 დმ. კვადრატში.

ჯავშანჩაფხუტებისა და ჯავშანჟილეტების წარმოება ერთ-ერთია იმ პროექტებიდან, რომელზეც „დელტა“ ბოლო პერიოდში მუშაობს.

 

პრეზენტაციის დასრულების შემდეგ, მოწვეულ სტუმრებს სპეციალურად მოწყობილ სასროლეთში ცეცხლსასროლი იარაღიდან სროლის შესაძლებლობა მიეცათ.

 

 

http://mod.gov.ge/index.php?newsid=2651

 

11-02-2014    ნანახია: 2 493-ჯერ