სსიპ - ფერდინანდ თავაძის მეტალურგიისა და მასალათმცოდნეობის ინსტიტუტი
LEPL - FERDINAND TAVADZE METALLURGY AND MATERIALS SCIENCE INSTITUTE
შეხვედრა ინსტიტუტში

 

2019 წლის 13 მარტს ფერდინანდ თავაძის მეტალურგიისა და მასალათმცოდნეობის ინსტიტუტში გაიმართა შეხვედრა დავით აღმაშენებლის სახელობის საქართველოს ეროვნული თავდაცვის აკადემიის რექტორის მოვალეობის შემსრულებელ პოლკოვნიკ მამია ბალახაძესა და ფერდინანდ თავაძის მეტალურგიისა და მასალათმცოდნეობის ინსტიტუტის დირექტორ აკადემიკოს გიორგი თავაძეს შორის. შეხვედრა მიზნად ისახავდა აკადემიასა და ინსტიტუტს შორის ურთიერთთანამშრომლობის მემორანდუმისა და ხელშეკრულების გაფორმებას. მემორანდუმის მიზანია მხარეებს შორის პარტნიორული ურთიერთობების დამყარება, რაც ხელს შეუწყობს საგანმანათლებლო პროგრამების განვითარებას.

 

ხელშეკრულების შესაბამისად, ფერდინანდ თავაძის მეტალურგიისა და მასალათმცოდნეობის ინსტიტუტი უზრუნველყოფს აკადემიის იუნკერებისათვის „მასალათმცოდნეობის“ კურსით გათვალისწინებული პრაქტიკული მეცადინეობებისათვის ინსტიტუტის საკვლევი ლაბორატორიების გამოყენებას.

13-03-2019    ნანახია: 1 329-ჯერ