2015 წლის 02 აპრილს საქართველოს მეცნიერებათა ეროვნულ აკადემიაში ჩატარებულ აკადემიის ნამდვილ წევრთა არჩევნებზე, 56 აკადემიკოსისგან შედგენილი გაფართოებული საბჭოს გადაწყვეტილებით, ქიმიისა და ქიმიური ტექნოლოგიების განყოფილებაში სპეციალობით "არაორგანული მასალათმცოდნეობა და ტექნოლოგიები" საქართველოს მეცნიერებათა ეროვნული აკადემიის ნამდვილ წევრად (აკადემიკოსად) არჩეულ იქნა ფერდინანდ თავაძის მეტალურგიისა და მასალათმცოდნეობის ინსტიტუტის დირექტორი, სახელმწიფო და გიორგი ნიკოლაძის პრემიების ლაურეატი, საქართველოს მეცნიერებათა ეროვნული აკადემიის წევრ-კორესპონდენტი, ტექნიკურ მეცნიერებათა დოქტორი, პროფესორი გიორგი ფერდინანდის ძე თავაძე.
2015 წლის 21-23 აპრილს თბილისში ტარდება მეორე საერთაშორისო კონფერენცია თემაზე: „არაორგანული მასალათმცოდნეობის თანამდეროვე ტექნოლოგიები და მეთოდები”. კონფერენცია ეძღვნება სსიპ ფერდინანდ თავაძის მეტალურგიისა და მასალათმცოდნეობის ინსტიტუტის 70 წლისთავს.
დღეს სპეციალური ოპერაციების ძალების ბაზაზე ქართული წარმოების ჯავშანჩაფხუტებისა და ჯავშანჟილეტების პრეზენტაცია გაიმართა.
ჯარისკაცის ინდივიდუალური დაცვის საშუალებების გამოცდა-ტესტირებას საქართველოს თავდაცვის მინისტრი ირაკლი ალასანია და გენერალური შტაბის უფროსი, გერენარლ-მაიორი ვახტანგ კაპანაძე დაესწრნენ.
2013 წლის 21-24 ოქტომბერს, აშშ–ში, ტეხასის შტატში სამხრეთ პადრეს კუნძულზე გაიმართა თვითგავრცელებადი მაღალტემპერატურული სინთეზის XII საერთაშორისო სიმპოზიუმი. სიმპოზიუმის მუშაობაში მონაწილეობდა 91 მეცნიერი 19 ქვეყნიდან, მათ შორის ფერდინანდ თავაძის მეტალურგიისა და მასალათმცოდნეობის ინსტიტუტიდან – საქართველოს მეცნიერებათა ეროვნული აკადემიის წევრ–კორესპონდენტი გ.თავაძე, პროფესორი გ. ონიაშვილი, საინჟინრო ფიზიკის აკადემიური დოქტორი მ.ჩიხრაძე.
დღეს, საქართველოს თავდაცვის სამინისტრომ აკადემიურ წრეებთან ურთიერთთანამშრომლობის მემორანდუმები გააფორმა. საქართველოს მეცნიერებათა ეროვნულ აკადემიასა და საქართველოს ტექნიკურ უნივერსიტეტთან თანამშრომლობა სამხედრო-საინჟინრო სფეროს განვითარებასა და ქვეყნის თავდაცვისუნარიანობის გაძლიერებას შეუწყობს ხელს.
2013 წლის 12 ნოემბერს, მეცნიერების დღისადმი მიძღვნილი საქართველოს მეცნიერებათა ეროვნული აკადემიის საერთო კრებაზე გიორგი ნიკოლაძის აკადემიური სახელობითი პრემიის ლაურეატის დიპლომები გადაეცათ ფერდინანდ თავაძის მეტალურგიისა და მასალათმცოდნეობის ინსტიტუტის დირექტორს, აკადემიის წევრ-კორესპონდენტს გიორგი თავაძეს, ლაბორატორიის უფროსს ტექ.მეც. დოქტორს გ.ონიაშვილს, მთავარ მეცნიერ თანამშრომლებს, ტექ.მეც.აკად. დოქტორებს ზურაბ ასლამაზაშვილს, გარეგინ ზახაროვს, ნაშრომთა ციკლისათვის "ტიტან-ალუმინის ერთფაზიანი ნანოსტრუქტურული მასალების სინთეზის ტექნოლოგია".
ნაშრომში განხილულია XVIII საუკუნის საქართველოში მიმდინარე ისტორიულ-ეკონომიკური განვითარების მოვლენები. ეძღვნება ქართლ-კახეთის სამეფოში ერეკლე II-ის მიერ გატარებულ რეფორმებს, რომელსაც სამთო-მეტალურგიული წარმოების აღორძინება მოჰყვა და ფიზიკური დამცრობისაგან იხსნა ერი.
2012 წლის 4, 5 და 6 ივნისს თბილისში ჩატარდა საერთაშორისო კონფერენცია საკითხზე: „არაორგანული მასალათმცოდნეობის თანამედროვე ტექნოლოგიები და მეთოდები“, მიძღვნილი გამოჩენილი ქართველი მეცნიერ-მეტალურგის, საზოგადო მოღვაწის, აკადემიკოს ფერდინანდ ნესტორის ძე თავაძის დაბადებიდან 100 წლისთავისადმი.
გამოვიდა ინსტიტუტის დირექტორის, პროფესორი, ტექნიკურ მეცნიერებათა დოქტორის, გიორგი თავაძისა და ამერიკელი მეცნიერის ალექსანდრე შტეინბერგის ერთობლივი მონოგრაფია "თვითგავრცელებადი მაღალტემპერატურული სინთეზით სპეციალური მასალების მიღება" რუსულ ენაზე, მიძღვნილი აკადემიკოს ფერდინანდ თავაძის დაბადებიდან 100 წლისთავისადმი. დაგეგმილია აღნიშნული წიგნის აშშ-ში გამოცემა ინგლისურ ენაზე, რომლის ელექტრონული ვერსია ასევე განთავსდება ჩვენს ვებ-გვერზე.
Ресурсосберегаюшая СВС-Технология и Реализация Комплексных Задач по Сазданию Новых Многофункциональных Материалов; Science, Technique and Innovation Technologies In the Epoch of Great Revival, Ashgabat , Turkmenistan, 2011, G. Oniashvili.
